 ಅಲಹಬಾದ್ ಉಂಚ್ಲ್ಯಾ ಕೊಡ್ತಿನ್ ಜುಲೈಚಾ 11, 2013 ವೆರ್ ದಿಲ್ಲ್ಯಾ ಮಹತ್ವಚಾ ಸೂಚನಾ ಪ್ರಕಾರ್, ಮುಕ್ಲ್ಯಾ ದೀಸಾನಿಂ ಉತ್ತರ ಪ್ರದೇಶಾಂತ್ ತಶೆಂಚ್ ಹೆರ್ ರಾಜ್ಯಾನಿಂ ಜಾತಿಂಚೆರ್ ಅಧಾರಿತ್ ಜಾಲ್ಲ್ಯೊ ಸಮಾವೇಶಾಂ ಖಂಯ್ಚ್ಯಾಯ್ ರಾಜಕೀಯ್ ಪಾಡ್ತಿನಿಂ ಮಾಂಡುನ್ ಹಾಡುಂಕ್ ಅಡ್ವಾರ್ಚೆ ತಸಲೆಂ ಕಾನುನ್ ಹಾಡ್ಚ್ಯಾ ದೀಶೆನ್ ಎಕ್ ಮಹತ್ವಚೆ ಮೇಟ್ ದವರ್ಲಾಂ. ಉತ್ತರ ಪ್ರದೇಶಾಚಾ ಮಾನೆಸ್ತ್ ಮೋತಿಲಾಲ್ ಮ್ಹಳ್ಳ್ಯಾ ವಕೀಲಾನ್ ಸಾರ್ವಜನಿಕ್ ಹಿತಾಸಕ್ತೆನ್ ಭರಲ್ಲೊ ವಾದ್ ಘೆವ್ನ್ ಉಂಚ್ಲ್ಯಾ ಕೋಡ್ತಿ ಸಮೊರ್ ಯೇವ್ನ್, ರಾಜಕೀಯ್ ಪಾಡ್ತಿನಿಂ ಜಾತಿಂಚೆರ್ ಅಧಾರಿತ್ ಜಾವ್ನ್ ಕರ್ಚ್ಯೊ ಸಮಾವೇಶಾಂ ‘ಸರ್ವ್ ಜಾತಿಕಾತಿಂಚೊ ಲೋಕ್ ನೀತಿ ನಿಯಮಾಂ ಸಮೊರ್ ಎಕಚ್ಚ್’ ಮ್ಹಳ್ಳ್ಯಾ ಸಂವಿಂಧಾನಾಂತ್ ದಿಲ್ಲ್ಯಾ ಹಕ್ಕಾಕ್ ವೀರೊದ್ ವೆತಾಂ ಅನಿ ವಿವಿಧ್ ಸಮುದಾಯಾಂ ಮಧೆಂ ಮನಸ್ತಾಪ್ ಹಾಡ್ಚೆಂ ತಸಲೆಂ ವಾತಾವರಣ್ ಸ್ರಷ್ಟಿ ಕರ್ತಾಂ ಮ್ಹಳ್ಳೊ ವಾದ್ ಮಾಂಡಲ್ಲ್ಯಾ ವೆಳಾರ್ ಕೋಡ್ತಿನ್ ಹೊ ವಿಷಯ್ ಗಂಭೀರ್ ರೀತಿನ್ ಪರಿಶೀಲನ್ ಕರ್ನ್ ಜುಲೈಚಾ 25 ತಾರೀಕೆ ಭಿತರ್ ಎಲೆಕ್ಷನ್ ಕಮೀಶನ್, ಕೇಂದ್ರ್ ಸರ್ಕಾರ್ ಅನಿ ರಾಜ್ಯ್ ಸರ್ಕಾರಾನಿಂ ಹ್ಯಾ ವಿಷಯಾಂಚೆರ್ ತಾಂಚೊ ಇರಾದೊ ಕಿತೆಂ ಮ್ಹಳ್ಳೆಂ ಸ್ಪಷ್ಟ್ ಕರುಂಕ್ ಸೂಚನ್ ದಿಲಾಂ.
|
|
