ಜುಲೈ 31, 2013 : ಶ್ರೀಮತಿ ದುರ್ಗಾ ಶಕ್ತಿ ನಾಗ್‌ಪಾಲ್ ಮ್ಹಳ್ಳ್ಯಾ ಐ.ಎ.ಎಸ್ ಅಧಿಕಾರಿಕ್ ಅಕ್ರಮ್ ರೀತಿನ್ ಬಾಂದಲ್ಲ್ಯಾ ಮಸೀದೆಚೆ ದ್ವಂಶ್ ಕರ್ನ್ ಕೋಮು ಸೌಹಾರ್ದತೆಕ್ ಅಡ್ಕಳ್ ಹಾಡ್ಲ್ಯಾ ಮ್ಹಳ್ಳೆಂ ಕಾರಣ್ ದೀವ್ನ್ ತಿಕಾ ಅಮಾನತೆರ್ ದವರ್ಲಾ. ಹ್ಯಾ ವಿಶ್ಯಾಂತ್ ವ್ಯಾಪಕ್ ಖಂಡನ್ ಜಾಂವ್ಚೆ ಸಂಗಿ, ಸಮಾಜ್ ಸೇವಕಿ ಜಾವ್ನಾಸ್ಚ್ಯಾ ನೂತನ್ ಠಾಕೂರ್ ಮ್ಹಳ್ಳ್ಯಾ ಸ್ತ್ರೀಯೆನ್ ಅಲಹಾಬಾದ್ ಹೈ-ಕೋಡ್ತಿಂತ್ ಸಾರ್ವಜನಿಕ್ ಹಿತಾಸಕ್ತಿ ಅರ್ಜಿ ದಾಖಲ್ ಕರ್ನ್, ಐ.ಎ.ಎಸ್ ಅಧಿಕಾರಿಕ್ ಅಮಾನತ್ ಕರ್ನ್ ದಿಲ್ಲ್ಯಾ ಅದೇಶಾಚಿ ವರ್ದಿ ಹಾಡವ್ನ್, ಜರ್ ತೊ ಅದೇಶ್ ಅವೈಜ್ನಾನಿಕ್ ಅನಿ ಕಾನುನ್ ಬಾಹಿರ್ ತರ್ ತೊ ಅದೇಶ್ ರದ್ದ್ ಕರುಂಕ್ ವಿನಂತಿ ಕೆಲಾ.
ಶ್ರೀಮತಿ ದುರ್ಗಾ ಶಕ್ತಿ ನಾಗ್‌ಪಾಲ್ ಗಾಂವಾನ್ ಪಂಜಾಬಾಚಿ ಅನಿ 2009 ವರ್ಸಾ ಐ.ಎ.ಎಸ್ ಪಾಸ್ ಜಾಲ್ಲಿ. ಉತ್ತರ್ ಪ್ರದೇಶಾಚಾ ಐ.ಎ.ಎಸ್ ಅಧಿಕಾರಿಲಾಗಿಂ ಲಗ್ನ್ ಜಾವ್ನ್ ಸುಮಾರ್ 10 ಮಹಿನ್ಯಾ ಪಯ್ಲೆಂ ಉತ್ತರ್ ಪ್ರದೇಶಾಂತ್ ಅಧಿಕಾರಿ ಜಾವ್ನ್ ನಿಯುಕ್ತ್ ಜಾಲ್ಲಿ. ಹಿ ಎಕ್ ದಯ್ರಾವಂತ್ ಸ್ತ್ರೀ ಅನಿ ರೆಂವೆಚಾ ಮಾಫಿಯಾಚೊ ಘಾಮ್ ದೆಂವಯಿಲ್ಲಿ ಸ್ತ್ರೀ. ಹಿಚಾ ಪ್ರಮಾಣಿಕ್ಪಣಾಕ್ ಭಿಯೆಲ್ಲೆ ರಾಜ್‌ಕಾರಣಿಂ ಅನಿ ಹೆರ್ ಸಮಾಜೆಂತ್ ಗಣ್ಯ್ ಮ್ಹಣ್ ನಾಂವಾಡಲ್ಲೆ ವೈಕ್ತಿ ಹಿಚಾ ಅಮಾನತೆಚಾ ಅದೇಶಾ ಪಾಟ್ಲ್ಯಾನ್ ಕಾಮ್ ಕರ್ನ್ ಅಸಾತ್ ಮ್ಹಳ್ಳೊ ದುಬಾವ್ ಥಂಯ್ಚ್ಯಾ ಲೋಕಾಕ್ ಅಸಾ.
