ಜುಲೈ 24, 2013 : ಗುಜರಾತಾಚಾ ರಾಜ್ಯ್ ಪಾಲಾನ್ ಗುಜರಾತಾಚಾ ಮುಕೆಲ್ ಮಂತ್ರಿ, ನರೇಂದ್ರ ಮೋದಿಚೆ ವೀರೊದ್ಪಣಾಕ್ ಗಮನ್ ದಿನಾಸ್ತಾಂ, ಹೈ- ಕೋಡ್ತಿಚಾ ಮುಕೆಲ್ ನೀತಿಕರ್ತಾ ಸಂಗಿ ಚರ್ಚಾ ಕರ್ನ್, ಲೋಕಾಯುಕ್ತ್ ಜಾವ್ನ್ ಅರ್. ಎ. ಮೆಹ್ತಾಕ್ ನೇಮಕ್ ಕೆಲ್ಲೆಂ. ಹಾಚೆ ವೀರೋದ್ ರಾಜ್ಯ್ ಸರ್ಕಾರಾನ್ ಘಾಲ್ಲ್ಯಾ ಕ್ಯುರೆಟೀವ್ (ಸಾರ್ಕೊ ನಾತಲ್ಲೊ ಅದೇಶ್ ಸಾರ್ಕೊ ಕರ್ಚ್ಯಾ ಭಾರತೀಯ್ ಸಂವಿಂಧನಾಚಾ ಅನುಛ್ಚೇದ್ 142 ಪ್ರಕಾರ್) ಅರ್ಜೆ ವಯ್ರ್ ನ್ಯಾಯ್ ನಿರ್ಣಯ್ ದೀವ್ನ್ ಗುಜರಾತ್ ಸರ್ಕಾರಾಚಿ ಅರ್ಜಿ ರದ್ದ್ ಕರ್ನ್ ಅದೇಶ್ ದಿಲೊ.
ಕರ್ನಾಟಕಚಾ ಲೋಕಾಯುಕ್ತಾಚಾ ನೇಮಕ್ಪಣಾ ವೇಳಾ ಸುಪ್ರೀಮ್ ಕೋಡ್ತಿನ್ ರಾಜ್ಯ್ ಸರ್ಕಾರಾಚಾ ಮುಕೆಲ್ ಮಂತ್ರಿ ಸಂಗಿ ಚರ್ಚಾ ಕರ್ನ್ ಲೋಕಾಯುಕ್ತಾಕ್ ನೇಮಕ್ ಕರಿಜೆ ಮ್ಹಳ್ಳೊ ಅದೇಶ್ ದಿಲ್ಲ್ಯಾಕ್ ಅನುಕರಣ್ ಕರ್ನ್ ಗುಜರಾತ್ ಸರ್ಕರಾನ್ ಕರ್ನಾಟಕಾಚಾ ಸರ್ಕಾರಾ ತರ್ಫೆನ್ ದಿಲ್ಲ್ಯಾ ಅದೇಶಾ ಬರಿ ಅದೇಶ್ ದೀಂವ್ಕ್ ವಿನಂತಿ ಕರ್ನ್ ಹಿ ಅರ್ಜಿ ದಾಖಲ್ ಕೆಲ್ಲಿ.
