News

ಯುನಿಯನ್ ಒಫ಼್ ಇಂಡಿಯಾ ವಿರೋದ್ ಪೀಪಲ್ಸ್ ಯೂನಿಯನ್ ಫೋರ್ ಸಿವಿಲ್ ಲಿಬರ್ಟಿಸ್ (13-1-2012) ದಾವ್ಯಾಂತ್ ಸುಪ್ರೀಮ್ ಕೋಡ್ತ್, ರಾಜ್ಯ್ ಸರ್ಕಾರ್ ಅನಿ ಕೇಂದ್ರ್ ಸರ್ಕಾರಾಚಿ ಜವಬ್ದಾರಿ ತಾಂಚಾ ಅಧಿನ್ ಅಸ್ಚ್ಯಾ ಹರೇಕಾ ಪರ್ಜೆಕ್ ವಿಶೇಷ್ ಜಾವ್ನ್ ಘರ್/ವಸ್ತೆಚಿ ಸಾರ್ಕಿ ವ್ಯವಸ್ತಾ ನಾತಲ್ಲ್ಯಾಂಕ್ ತಿ ಮೆಳ್ಚೆ ಬರಿ ಪಳೆಂವ್ಚಿ ಮ್ಹಳ್ಳೆಂ ಕಳಯ್ತಾ.
   
ಹ್ಯಾ ಸಾರ್ವಜನಿಕ್ ಹಿತಾಸಕ್ತೆಚಾ ಅರ್ಜೆಂತ್ ಸುಪ್ರೀಮ್ ಕೋಡ್ತ್- ಎಕಾ ವ್ಯಕ್ತಿನ್ ಮ್ಹನ್ಶ್ಯಾ ಹಕ್ಕಾನ್, ಮಾನ್ಸುಗೆನ್, ಮರ್ಯಾದೆನ್ ಜಿಯೆಂವ್ಚೆ ತಾಚೆ ಸಾಂವಿಂಧಾನಿಕ್ ಹಕ್ಕ್ ಮ್ಹಳ್ಳೆ ವಿಶಿಂ ಉಲ್ಲೇಕ್ ಕೆಲ್ಲ್ಯಾ ಯುನಿಯನ್ ಟೆರಿಟರಿ ಒಫ಼್ ಡೆಲ್ಲಿ ವಿರೋದ್ ಫ್ರಾನ್ಸಿಸ್ ಕೊರೆಲಿ ಮುಲ್ಲಿನ್ [(1981) 1 ಸು. ಕೋ.ಕೆ. ಪಾನ್ ಸಂಕೊ 608], ಉತ್ತರ್ ಪ್ರದೇಶ್ ರಾಜ್ಯ್ ಸರ್ಕಾರಾ ವಿರೋದ್ ಚಮೇಲಿ ಸಿಂಗ್ [(1996) 2 ಸು.ಕೊ.ಕೆ. ಪಾನ್ ಸಂಕೊ 549] ಅನಿ ಸಿ. ಇ. ಎಸ್. ಸಿ ವಿರೋದ್ ಸುಬಾಸ್ ಚಂದ್ರ ಬೋಸ್ [(1992) 1 ಸು.ಕೊ.ಕೆ. ಪಾನ್ ಸಂಕೊ 441] ಕೇಸಿಂಚೊ ಪರ್ತ್ಯಾನ್ ಉಲ್ಲೇಕ್ ಕರ್ನ್ ರಾಜ್ಯ್ ಸರ್ಕಾರಾಚಿ ಜವಾಬ್ದಾರಿ ಕಿತ್ಲಿ ಮ್ಹಳ್ಳೆ ಕಳಯ್ಲಾ. ಸಾರ್ಕಿಂ ಘರಾಂಚಿ ವ್ಯವಸ್ಥಾ ನಾತಲ್ಲ್ಯಾ ಅನಿ ಗರ್ಜೆಂತ್ ಅಸ್ಚ್ಯಾ ವ್ಯಕ್ತಿಂಕ್, ಕುಟ್ಮಾಂಕ್ ಸಾರ್ಕಿ ವ್ಯವಸ್ಥಾ ಕರ್ಚಿ ಜವಾಬ್ದಾರಿ ರಾಜ್ಯ್ ಸರ್ಕಾರಾಚಿ ಮ್ಹಳ್ಳೆಂ ವಯ್ರ್ ಸಾಂಗಲ್ಲ್ಯಾ ದಾವ್ಯಾಂತ್ ತಿಳ್ಸಿಲಾಂ.