 8-8-2013 : ಮೋದಿಚಾ ಮುಕೆಲ್ ಮಂತ್ರಿ ಖಾಲ್ ಸುಮಾರ್ 10 ವರ್ಸಾಂ ಮ್ಹಣಾಸರ್ ಗುಜರಾಂತಾಂತ್ ಲೋಕಾಯುಕ್ತ್ ನೇಮಕ್ ಜಾಯ್ನಾಸ್ತಾಂ ಖಾಲಿ ಪಡಲ್ಲ್ಯಾ ಸ್ಥಾನಾಕ್ ಥಂಯ್ಚ್ಯಾ ರಾಜ್ಯಪಾಲಾನ್ ಮುಕೆಲ್ ಮಂತ್ರಿಚಾ ಅನುಮತೆ ವಿರೋದ್ ವಚುನ್ ಲೋಕಾಯುಕ್ತ್ ಜಾವ್ನ್ ಅರ್.ಎ ಮೆಹ್ತಾಕ್ ನೇಮಕ್ ಕೆಲ್ಲೆಂ. ಹ್ಯಾ ನೇಮಕ್ಪಣಾಂ ವಿರೋದ್ ಸುಪ್ರೀಮ್ ಕೋಡ್ತಿಕ್ ಗುಜರಾತ್ ಸರ್ಕಾರಾನ್ ಅಪೀಲ್ ಕರ್ನ್ ರಾಜ್ಯ್ ಪಾಲಾನ್ ಕೆಲ್ಲೆಂ ನೇಮಕ್ಪಣ್ ಕಾನುನ್ ಬಾಹಿರ್ ಮ್ಹಳ್ಳೊ ವಾದ್ ಮಾಂಡಲ್ಲೊ. ಪುಣ್ ಹ್ಯಾ ವಾದಾಕ್ ಪುರಸ್ಕಾರ್ ಕರ್ನಾಸ್ತಾಂ, ಸುಪ್ರೀಮ್ ಕೊಡ್ತಿನ್ ರಾಜ್ಯ್ ಪಾಲಾನ್ ಕೆಲ್ಲೆಂ ನೇಮಕ್ಪಣ್ ಕಾನುನ್ ರೀತಿನ್ ಸಾರ್ಕೆ ಮ್ಹಳ್ಳೊ ಅದೇಶ್ ದಿಲ್ಲೊ. ಹ್ಯಾ ಅದೇಶಾ ಉಪ್ರಾಂತ್ ಅತಾಂ ನೇಮಕ್ ಜಾಲ್ಲೊ ಲೋಕಾಯುಕ್ತ್ ಅರ್. ಎ. ಮೆಹ್ತಾ ತಾಚಾ ಸ್ಥಾನಾ ಥಾವ್ನ್ ಪಾಟಿಂ ಸರ್ಲಾ.
ಅರ್. ಎ. ಮೆಹ್ತಾನ್ ತಾಚೊ ನಿರ್ಧಾರ್ ರಾಜ್ಯ್ ಪಾಲಾಕ್ ಬರಯಿಲ್ಲ್ಯಾ ಪತ್ರಾಂತ್ ರಾಜ್ಯ್ ಸರ್ಕಾರಾನ್ ತಾಚಾ ನಾಂವಾಕ್ ಹಾಡಲ್ಲ್ಯಾ ಕಳಂಕಾ ಖಾತಿರ್ ತೆಂ ಸ್ಥಾನ್ ಅಪುಣ್ ಮುಂದರುನ್ ವ್ಹರುಂಕ್ ಅಸಾಧ್ಯ್ ಮ್ಹಣ್ತಾ.
|
|
